Полицијата пукала во воздух за време на потера по прилепско „ауди“, по што биле уапсени И.Д.(29) и П.Б.(42), двајцата од Прилеп.
Инцидентот се случил околу 20 часот кај наплатна рампа на автопат А1 Скопје-Велес,.
При обид за сопирање и контрола на патничко возило „ауди А3″, со прилепски регистарски ознаки, управувано од И.Д., П.Б, кој бил негов сопатник, вперил пиштол кон полициските службеници, а во обид да избегаат ја оштетиле наплатната рампа.
Полициските службеници испукале предупредувачки куршуми, а повредени лица нема.
Известен е Јавен обвинител и по документирање на случајот против нив ќе биде поднесен соодветен поднесок.