Со финалната конференција, закажана за 28.06.2018 во просториите на Малата Сала на Советот на Општина Крива Паланка, ќе се заклучи проектот „Создвање на услови за институционален развој на спортот во Крива Паланка“, што здружението ЕГРИ од Крива Паланка го имплементираше во изминатите 8 (осум) месеци.
Во рамки на овој проект беа имплементирани повеќе активности, меѓу кои беше и создавање на услови за развој на спортот преку активно вклучување на сите релевантни чинители на локално ниво.
Книгата насловена како „Историја на спортот во Крива Паланка “ напишана од страна на проф. Д-р Јордан Михајловски беше промовирана како проектна активност со цел побудување на љубов кај младите генерации за спорт. Во рамки на проектот беа спроведени и повеќе сесии и работилници со општински работници, претставници од Советот на општината, со цел застапување и нивна подршка за развој на сопртот.
Работилница за општествена одговорност и презентација на законските олеснувања при вложување и спонзорство во спортот исто така беше спроведена со претставници на локални компании.
Со претставници на невладиниот сектор, но и спортски здруженија и образовни институции беше извршена и дводневна обука за пристап до фондови и раководење со проектен циклус.
Спортските здруженија кои егзистираат на територијата на општината преку проектот како одржлива форма ќе бидат вмрежени во општински спротски сојуз , кој ќе изготви интегрирана програма која ќе биде доставена до Советот на општината со цел обезбедување на средства од општинската каса.
Проектот ќе финализира со финалната конференција , а е финансиран преку ЕУ, како подгрант на Фондацијата ПРЕДА Плус од Скопје.
