Четири лица од Кавадарци се лишени од слобода поради сомнение дека извршиле кривични дела – тешки кражби во неколку наврати, соопшти МВР.
– Завчера од страна на полициски службеници од ОВР Кавадарци од слобода биле лишени И.В.(19), Д.Џ.(18), Е.О.(34) и Е.О.(27), сите од Кавадарци, поради основано сомнение дека извршиле повеќе кривични дела. Притоа, од Е.О. е одземено патничко возило „пежо“, без регистарски ознаки, кое е користено при вршење на кривичните дела, а во возилото е пронајдена и одземена секира која е употребена при вршењето на делата. Четворицата кавадарчани во повеќе наврати во периодот од 3 до 9 декември 2020 година имаат извршено тешки кражби од кругот на пумпната станица, сопственост на фирма од Кавадарци, во м.в. Пумпите, атар на с.Ресава. Причинетата вкупна материјална штета е во износ од 917.550 денари (околу 15.000 евра), информираат од МВР.
Против осомничените до Основното јавно обвинителство во Кавадарци ќе биде поднесена кривична пријава по чл.236 ст.2 од Кривичниот законик.