На Граничниот премин Табановце, на влез во државата, вчера во 22 часот бил лишен од слобода Р.О.(32) од Куманово.
Како што соопшти МВР, по извршена контрола било констатирано дека е баран по потерница од Секторот за меѓународна полициска соработка – Одделение потраги, за издржување казна затвор од две години и шест месеци, за сторено кривично дело по чл.236 став 1 од Кривичниот законик.
Р.О. бил предаден на полициски службеници од СВР Куманово за понатамошна постапка.