Полицаец бил повреден во судир на два автомобили, вчера во населбата Керамидница, информираше МВР.
Според полицијата, сообраќајната несреќа се случила околу 21.20 часот на крстосница од улицата Интернационални бригади со улиците Бора Тодоровиќ и Петре Стефанов. Тогаш се судриле автомобил „ауди”, со кичевски регистарски ознаки, управувано од М.И.(26) од скопско Батинци и автомобил „фиат стило”, сопственост на МВР.
Во незгодата полицискиот службеник се здобил со повреди, констатирани во Комплексот клиники „Мајка Тереза”.
Увид на местото извршила екипа од СВР Скопје.