Како дел од проектот “Заеднички акции за спречување од поплави во прекуграничниот регион” вчера беше поставен камен темелник на изградбата на коритото на ,,Голем Дол” во село Ранковце, со што ќе се реши голем проблем на жителите на Ранковце и околината во врска со прекумерните поплави кои се јавуваат заради слабата регулација на коритото на самиот дол.
На средбата беше направено традиционално осветување на камен темелникот а на свеченоста беа присутни и претставници на бугарскиот партнер предводени од заменик градоначалникот на Општина Бобов Дол, Г-ѓа Детелина Борисова.
Проектот е во рамките на Интерег ИПА програмата за меѓуграничка соработка а имплементиран од страна на Општина Ранковце, Р. Македонија и Општина Бобов Дол, Р. Бугарија.
На настанот како свое обраќање имаа токму градоначалниците на двете општини, Г-ин Момчило Алексовски и Г-ѓа Детелина Борисова.
И двајцата градоначалници истакнаа дека се надеваат на успешно завршување на градбата за како што кажаа да се реши повеќегодишниот проблем кои граѓаните на општината го имаат во врска со пречестите излевања на атмосферската вода и огромните штети кои граѓаните ги трпат како последица токму на овие излевања.
