Општина Центар започна со комплетна промена на целата атмосферска и фекална канализација во ОУ “11-ти Октомври“. Проблемот кој датира од 50-тите години на минатиот век, кога е изградено училиштето, ќе биде надминат.
Фекалната канализација и атмосферските води се враќаа назад во санитариите. Со реконструкцијата ќе се пренасочат фекалните и атмосферски води во главната атмосферска канализација. Со тоа ќе се задоволат критериумите за хигиена и безбедност, лесно одржување, трајност и отпорност на вградените материјали.
Атмосферската канализација ќе биде во должина од 90 метри, а фекалната во должина од 85 метри. Зафатот општина Центар ќе го заврши за десеттина дена.
