Денот не би бил комплетен доколку не посетиме и една од малите семејни винарии во Тиквешијата, истакна министерот за земјоделство, шумарство и водостопанство, Љупчо Николовски.
„Нашата максимална поддршка ја насочуваме кон стимулирање на развојот на малите семејни винарии.
Со новата Програма за финансирање на микро земјоделски производители на вино, овозможуваме грантови до 10.000 евра, ги поддржуваме да го извадат својот квалитет на пазарот, што крајно ќе влијае врз зголемување на промоцијата на македонското вино, и на нашата држава како винска дестинација“, посочи Николовски.
