Вицепремеиерот за борба против корупција и криминал, за одржлив развој и човечки ресурси, Љупчо Николовски денеска заедно со директорот на Царинската управа, Горан Сугарески се во посета на граничниот премин Деве Баир.
Градиме држава во којa виновните се казнуваат, а праведните напредуваат!, нагласи Николовски.
Николовски исто така потенцираше дека во оваа борба – недопирливи нема!
„При денешната посета на граничниот премин Деве Баир со директорот на Царинската управа, Горан Сугарески ја потврдивме заедничката заложба – зајакнување на соработката помеѓу сите надлежни антикорупциски институции, заедничко дејствување и здружување на капацитетите во ефикасно сузбивање на корупцијата и криминалот!
Тука сме за да работиме во служба на граѓаните и државата! Со навремена и професионална работа и влог на сите инволвирани институции го зајакнуваме системот и ја водиме корупцијата до степен на неисплатливост!“, истакна Николовски.
