Градоначалникот на Крива Паланка, Сашко Митовски денеска учествуваше на четвртиот регионален настан по повод 8 Април- Меѓународниот ден на Ромите одржан во општина Шуто Оризари.
„Ми беше задоволство да учествувам на четвртиот регионален настан по повод 8 Април- Меѓународниот ден на Ромите одржан во општина Шуто Оризари во рамки на #ROMACTED програмата, истакна Митовски.
Митовски на настанот учествуваше како претставник од локалните акциски групи на заедницата и општинските контакт точки.
„Општина Крива Паланка годинава за првпат е дел од проектот РОМАКТЕД кој како дел од заедничката програма на Советот на Европа и Европската Унија има за цел да го промовира доброто владеење и зајакнување на положбата на Ромите на локално ниво.
Со овој проект во општината ќе се донесе заеднички акциски план со детектирани потреби на Ромите во Крива Паланка во различни оппштествени области.
По усвојувањето на овој план од страна на Советот на Општината, очекуваме Советот на Европа и Европската Унија кои го финансираат проектот, да поддржат и финансираат дел од овој акциски план, со што заеднички, со заложбите на локалната власт ќе придонесеме за подобрување на квалитетот на живеење на ромската заедница“, посочи Митовски.