Градоначалникот на Крива Паланка, Сашко Митовски и општинските служби денеска ја посети Територијалната противпожарна единица чиешто работење и опременост постојано ги унапредуваат.
Командирот, Иле Коцевски, ги претстави тековните проекти, меѓу кои и меѓуопштинскиот проект „Безбедни граѓани и заштитени ресурси како предуслов за оддржлив развој“ со кој се врши опремување на ТППЕ од Крива Паланка и Ранковце со техничка опрема за интервенција во случаи на елементарни непогоди преку УНДП , со финасиска поддршка од Бирото за регионален развој и МЛС.
„Креираме функционална стратегија за кризен менаџмент за целиот микрорегион Крива Паланка-Ранковце, заради интегриран пристап во заштитата на граѓаните и ресурсите.
Силни институции за безбедни граѓани“, посочи Митовски.