Градоначалникот на Општина Крива Паланка, Сашко Митовски соопшти дека Општина Грос-Цимерн, Сојузна Република Германија и Општина Крива Паланка, Република Северна Македонија од денес официјално се збратимени.
„Денес заедно со мојот колега, градоначалникот на Општина Грос-Цимерн, г-дин Ахим Грим, официјално потпишавме “Повелба за збратимување” на двата града, што ќе значи ширење пријателство, соработка, размена на добри практики и искуства.
Двете општини во иднина ќе ја продлабочуваат воспоставената соработка и ќе продолжат да ги шират Европските вредности“, истакна Митовски.
Митовски изрази благодарност до иницијаторите за воспоставување на соработката, г-дин Борче Стојчевски и г-дин Јашко Станојковски.