Градоначалникот на Крива Паланка, Сашко Митовски соопшти дека комплетно е асфалтиран пристапниот пат кон новите градски гробишта во Конопница.
„Денес извршивме увид на реализираниот проект со кој по подолг временски период е решен овој инфраструктурен проблем.
Проектот е вреден 198 000 евра, средства од кредит на Светска банка, преку Министерството за транспорт и врски – договор за поврзување локални патишта 2019 година и меморандум за соработка помеѓу Општина Крива Паланка и Министерство за транспорт и врски“, истакна Митовски.
Митовски посочи дека завршени се градежните активности на патот, останува дополнително финиширање на останатите елементи и сообраќајната сигнализација.