Градоначалникот на општина Крива Паланка, Сашко Митовски, денеска доби плакета и шампионски медал од Кошаркарскиот клуб Крива Паланка.
-Чест и задоволство ми е што од кошаркарскиот клуб КККриваПаланка добив плакета и шампионски медал од освоеното јуниорско првенство во женска конкуренција што нѐ направи горди сите нас. Клубот е расадник на бројни таленти кои се амбасадори на градот, а голем дел од нив ги бранат боите на државата во младинските и сениорски репрезентации, порача Митовски.
-Мојата максимална поддршка за кошарката и спортот во градот продолжува и во иднина, овие млади и успешни спортисти тоа го заслужуваат, додава првиот човек на општината.