Градоначалникот на Крива Паланка, Сашко Митовски денес беше домаќин на Амбасадорот на Франција во Северна Македонија, неговата екселенција,Сирил Бомгартнер.
Повод за посетата е одржување на “Франкофонска вечер 2022”, но наша е честа што добриот глас за негување на франкофонијата во Крива Паланка надалеку се слуша, истакна Митовски.
Митовски посочи дека со амбасадорот разговарале за досегашната одлична соработка со амбасадата, за залагањата на професорите за афирмација на францускиот јазик и култура и за амбасадорката на неговата амбасада во Крива Паланка, нашата сограѓанка, професорката по француски јазик од ООУ Јоаким Крчовски, Елена Николовска.
Договорено е да се продлабочи постојната соработка и да се зајакне динамиката на изучување на францускиот јазик, соопшти Митовски.