Министерот за транспорт и врски, Горан Сугарески, заедно со дел од советничката група на СДСМ, денес остварија средби со жители од прилепската населба Тризла.
Делот од населбата во којшто живее претежно ромската популација е целосно заборавен од страна на локалната власт. Жителите се жалат на проблемите со неисчистениот Дабнички канал, немањето чиста вода за пиење, како и канализација. Велат, градоначалникот Ристески не’ излажа и не’ заборави, 12 години е на власт и ништо не направи за нас. Бараат урбанизирање на населбата и достоинствен живот од страна на новата локална власт, на чело со СДСМ.
