Од денес, пред мене, Костадин Костадинов стои голема одговорност и обврска!, истакна градоначалникот на Струмица Костадин Костадинов.
Формално ја преземав градоначалничката функција од Д‐р Коста Јаневски кому искрено му благодарам за поддршката и соработката.
Свесен сум дека од мене како Градоначалник на Струмица се очекува градот и општината да одат напред. Тоа што е создадено да се одржи и развие, но и да се проектира и создаде многу ново. Јас сум подготвен!
Заедно со мојот тим продолжуваме со реализација на визијата за уште помодерна и поевропска општина Струмица. Продолжуваме понатаму – уште подобро, уште повеќе, уште поенергично!
Тука сум и почнав. Интензивно, точно и навремено, со максимална транспарентност и отчетност“, посочи Костадинов.
Костадинов нагласи дека мора потребите и условите за живот на сите полови и старосни категории граѓанки и граѓани, буквално на сите жители кои живеат на територијата на Општина Струмица да бидат уважени.
„Во претстојните четири години нé очекува многу работа за да биде реализирано сето она кое, со сите вас, веќе го разговараме. Секако, тука нема да застанеме. Напротив, продолжуваме, на таков начин и со дијалози, со уште посилно темпо.
Со слух за вашиот глас, со отворена врата и со активна работа ‐ не само од канцеларија, туку и посветено, на терен, го ставам фокусот на приоритетите и реалните потреби во нашата општина.
Затоа што само заедно можеме да ја создадеме најдобрата верзија на нашата Струмица“, потенцираше Костадинов.