Со проект вреден 5.191.882 денари обезбедуваме поголема урбанизација на населба “Единство” преку комплетирање на сообраќајното поврзување, соопшти денеска градоначалникот на Крива Паланка Сашко Митовски.
– Со денешниот договор што го потпишав во Министерството за транспорт и врски за овој проект обезбедуваме 1.135.198, за:
-реконструкција на улица “Гоце Делчев” и
-реконструкција и рехабилитација на крак кон Дреначка маала, појасни Митовски.
Проектот е во рамки на програмата за поддршка на имплементација на Декадата и Стратегијата на Ромите, за кој останатите средства, 4.056.684 преку кофинансирање ќе се обезбедат од буџетот на Општина Крива Паланка.
Должината на кракот кон Дреначка маала изнесува 392 метри, а делот на улицата “Гоце Делчев” е со должина од 80.5 метри.
– Континуирано обезбедуваме подобра мобилност и поголема интеграција на Ромското население во општествените текови и урбана мобилност заедно со целокупното населние во градот, порача Митовски.
