Кандидатот за градоначалник на Крива Паланка, од редовите на СДСМ, Сашко Митовски вчера со кандидатот за градоначалник, од редовите на ВМРО-ДПМНЕ го потпишаа кодексот за фер избори со кој јасно го потврдуваат почитувањето на основните демократски начела.
-Ќе ми биде чест како дел од генерацијата нови политичари да внесам нови принципи и нови вредности.
Јас како кандидат за градоначалник цврсто ќе стојам зад идејата да се почитува сѐ што е општ интерес на граѓаните, зашто народот ни го дава легитимитетот, порача Митовски по потпишувањето.
-И во Советот општиот интерес на граѓаните ќе ни биде приоритет. Ќе водиме искрена кампања, позитивна и ќе ми биде мило да испиеме заедничко кафе по завршувањето на кампањата, да покажеме големина како луѓе, порача тој.