Секоја година претпоследниот викенд од месец мај ентузијасти, вљубеници во планината и културното наследство ја минуваат патеката на една легенда од 11-тиот век, насловена „4М“, патека која преставува магичен спој на монументалните споменици на културата – манастирите Св. „Јоаким Осоговски“, кај Крива Паланка, Св. „Прохор Пчински“ и Св. „Гаврил Лесновски“ и Св. „Јован Рилски“.
Годинава акцијата траеше три дена, а поминати се преку 400 km возење 55 трекинг, посета на значајни културни атракции, историски знаменитости, природни реткости, музејски постановки…
Авторот на овој проект и главен организатор на акцијата Стојанче Величковски упати голема благодарнос до сите учесници ширум земјава во годинешната тура.
„ Особена благодарност до ДПС “Лицец“ од Штип за долгогодишната подршка што резултира реализација на овој несекојдневен подвиг и планинарски предизвик полн со пријатни изненадувања и планинарски доживувања. Благодарност за поддршката од општина Пробиштип и Кратово како и до управниот одбор на Конакаот при цркавата св. Петка – с. Каврак (Кратовско). Најголема благодарност до бурата “Андреа“ што кон нас беше милостива и не остави на раат да ги реализираме сите планирани активности…“ – истакна Величковски.
Досега низ патот на легендата од 11 век минале околу 500 учесници, дел од нив традиционално повеќе пати , дел од нив по еднаш.
Фото: Стојанче Величковски