Двајца градежници биле тешко повредени откако вчера претпладне паднале од висина од објект во изградба во Скопје.
Станува збор за Б.С.(34) од Свети Николе и А.В.(31) од Скопје кои биле вработени во фирма во Скопје.
По несреќата двајцата биле однесени во клиниката „Мајка Тереза“.
Според лекарите, кај Б.С. биле констатирани тешки телесни повреди, а А.В. бил полесно повреден.
За несреќата бил известен трудов инспектор. Се работи на расчистување на случајот.