„Создавање на услови за здрави идни генерации“, е насловот на проектот за кој денеска во општинската зграда, градоначалникот Борјанчо Мицевски го потпиша договорот за грант средства кои ќе се наменат за комплетно реновирање на вториот кат од детската градинка „Детелинка“.
Како што беше речено на средбата, потребните финансиски средства во висина од околу 93. 000 долари се обезбедени од проектот „Норвешка поддршка за развој на Северна Македонија“ преку Канцеларијата на Обедините нации за проектни услуги (УНОПС).
Истите ќе бидат наменети за комплетно реновирање на вториот кат од градинката ,ќе се замени столаријата,потоа ќе следи реновирање на тоалетите а дел од средставата ќе се искористат и за поставување на енергетска термо фасада. Со ова се очекува да се заокружи комплетното санирање на зградата на детската градинка ,,Детелинка“, каде беше извршено проширување на нејзините капацитети, подобрување на условите за сместување, згрижување и воспитување на децата од предучилишна возраст, во општина Крива Паланка.