Порталот Курир, кој според многумина, важи за еден од главните медиуми кои по секоја цена ги брани политиките на некогашната власт а сегашна опозиција, излезе со текст во кој се напаѓа јавното претпријатие за водовод и канализација од Крива Паланка, ЈП Комуналец.
На ова со реакција се јави директорот на претпријатието Миле Марковски, кој тврди дека сето ова е исмислена работа и работите не се ни близу до она што е напишано од страна на порталот.
“Во врска со тоа дека контејнерите биле расфрлани и на земја, вели дека се работи за човечки фактор.
“Тоа што во медиумите излегуваат фотографии со превртен контејнер, кој често е превртен и кога е полупразен, не може да биде предизвикано од ветер или од животно и е со голема веројатност дека е предизвикано намерно од човечки фактор, со цел да се дискредитира претприjатието и да се прикаже дека ништо не работи што не е точно”, вели Марковски.
“Иако се соочува со проблеми наталожени од предходнодната власт, како на пример стари возила, долгови и кредит кој треба да се враќа дури до 2021 година се работи на подобрување на состојбата. За дефектите на возилата, а со тоа и намалениот капацитет за собирање на сметот, резултат е нивното 30 годишно користење и неможноста да се најде соодветен дел за поправка. Наместо предходно да трошат на луксузирање можеа да набават возило”, вели Марковски за работењето на неговите предходници.
Претпријатието бара солуции. Веќе е поднесена апликација до јапонската амбасада за донација на нова современа машина за собирање на отпадот. Луѓе од амбасадата веќе имаат направено посета на Крива Паланка и многу веројатно е овој камион да биде добиен. Во секој случај, во месец септември е најавено започнување на постапка за набавка на сопствен камион за собирање на смет.
Директорот е свесен дека нема доволно контејнери во градот но не може се да се реши за толку краток период нешто што е уништувано со години, но се работи на случајот. Моментално во градот, информира директорот, веќе се набавени нови 10 контејнери кои ќе се постават на најфрекфентните места во градот. Дека се работи на хигиената е доказ и дека во градот веќе има 150 контејнера за смет, а набавени се и веќе ќе почне фазата на дистрибуција на 170 канти за отпадоци од по 120 литри кои ќе бидат поставени пред домовите на граѓаните. Во помалите улици има поставено и буриња.
Дополнително, за време на викендите, со оглед на зголемената потреба, задолжени се службите чистењето на контејнерите и кантите да биде двапати дневно.
Во делот на финансиското работење, директорот кажа дека ЈП Комуналец се уште ги санира штетите направени од функционерите на ВМРО – ДПМНЕ. Вели дека сите доверители се плаќаат редовно и дека нема зголемување на долгот, туку напротив, има скоро 50% намалување, од 11 милиони денари, долгот е намален на 5.7 милиони, а платите на вработените откако е тој директор се исплаќаат редовно.
Предходната власт нерационално ги трошела ресурсите на граѓаните. Само за пример, за гориво е трошено по 400.000 денари месечно наспроти 200.000 денари кои се трошат откако е дојдена новата власт.
Во делот на проблемот со водоснабдувањето во населбите Баглак и Лозаново имало мали дефекти кои во секој летен период повремено се јавуваат, меѓутоа веднаш биле санирани и населбите веќе имаат вода.
Во Конопница пак, системот кој е преземен на управување а изграден од населението има некоја загуба на вода предизвикана уште кога е поставуван системот.
Во моментов екипите на ЈП Комуналец се на терен со граѓаните со цел утврдување на сотојбата и надминување на проблемот.
За цената на водата, директорот нагласува дека нема никакво предвидено покачување, туку напротив, од почетокот на годината, цената на водата и комуналиите се намалени.