Вчера вечерта во полициската станица во Драчево било пријавено дека бил искршен штаб на СДСМ во селото Долно Количани.
„На 25.09.2018 година во 09.40 часот во Полициската станица Драчево, С.И. од с.Долно Количани, скопско, пријавил дека во текот на ноќта на 24/25.09.2018 година непознат сторител искршил четири прозорски стакла од штабот на политичка партија СДСМ во с.Долно Количани. Се преземаат мерки за пронаоѓање на сторителот и за целосно расчистување на случајот“, соопштија од полицијата.