Гордо и со радост Крива Паланка денес празнува 78 години слободна Крива Паланка.
-Слободарскиот дух на нашите предци, на сите што ја извојуваа слободата, го славиме и величаме како жив аманет што не обврзува и го носиме со светост.Почитувајќи и негувајќи го она што не одликува оттогаш до денес: непокорноста и одлучноста, храброста и желбата за подобро утре, се гради нашата Крива Паланка како град чијшто развој е континуиран и забележлив, порача денеска градоначалникот на општината Сашко Митовски кој заедно со повеќе делегации положи свежо цвеќе пред Споменикот на паднатите борци пред општинската зграда.
-Градот се темели на надраснатите предизвици низ годините, постојаните вложувања во развој и просперитет, работата со посветеност на сите кои биле дел од општината за денес Крива Паланка да биде град со современа и урбана инфраструктура, со нови проекти кои се реализираат, вложувајќи во напредок и развој – за поубава општина за генерациите што доаѓаат, порача денеска Митовски.
