Четириесет и петгодишен кумановец со иницијали Т.Т. рано утринава околу 02:20 часот го загуби животот во сообраќајна несреќа која се случила на регионалниот пат Куманово – Свети Николе.
Според информациите на Министерството за внатрешни работи, кумановецот управувајќи патничко моторно возило „Голф“ излетал од патот на крстосницата меѓу населбите Ајдучка чешма и Перо Чичо, по што загинал на лице место.