Денеска е уапсено лице од српска националност, кое е осомничено за воени злосторства врз цивилното население во војната од 1998-1999 година во Косово, објави косовската полиција.
Во соопштението се наведува дека апсењето е извршено во една од приштинските населби и дека уапсениот, идентификуван со иницијали Н. А., се сомничи за дело извршено на 21 мај 1999 година во истиот град.
Апсењето е извршено по налог на Специјалното обвинителство на Косово, кое поднесе барање за одредување мерка притвор за осомничениот.