Новоизбраниот претседател Каис Саиед денеска положи заклетва во Парламентот.
Тој вети дека ќе се бори против корупцијата и за заштита на слободата, првенствено на жените.
– Нема да се толерира трошењето на народните пари додека Тунис се бори против невработеноста и лошата економска ситуација, посочи Саиед.
Тој вети и дека ќе се бори против екстремизмот.
– Мораме да се обединиме против тероризмот, посочи Саиед.
Тој победи на претседателските избори со поддршка од умерената исламистичка партија Енагда, која триумфираше на неодамна одржаните парламентарни избори.