Британскиот суд во понеделникот одлучил да го задржи во затвор возачот на камионот во кој се пронајдени 39 тела на илегални мигранти во близина на Лондон, а виетнамските семејства во страв чекаат вести за тоа дали нивните роднини се меѓу жртвите.
Виетнамската власт во неделата земале ДНК тестови за да се утврди дали нивни државјани се меѓу жртвите, како што стравуваат семејствата. Оваа драма ги предупредила за опасните постапки на криумчарите на мигранти.
Неколку семејства во саботата изјавиле дека меѓу жртвите би можело да се најдат и нивните роднини.
Телата на 39 лица, од кои 31 се мажи, а 8 жени, се пронајдени во средата во индустриската зона Грејс во Есекс, 30 километри источно од Лондон.
Возачот на камионот Маурицио Робинсон, кој беше уапсен откако е пронајден камионот во средата, во понеделникот по пат на видеоконференција одговарал пред судот Челмсфорд.
Судијата одлучил да го задржи во притвор до 25 ноември кога треба да се изјасни дали се чувствува виновен или не на лондонскиот казнен суд „Old Bailey“.
Како што можеше да се слушне на суд, Робинсон е дел од меѓународен ланец кој се занимава со криумчарење на луѓе. Додека го слушал обвинението, Робинсон не покажуваал емоции, пренесува Daily Mail.
Обвинителот Игујовве Огенеруна рече дека осомничениот возач на камиони бил вклучен во меѓународен ланец за шверц, кој се занимавал со трансфер на голем број илегални мигранти во Велика Британија во последните 10 месеци.
„Во бегство се голем број негови соработници“, додал обвинителот.
Тоа момче со потекло од Северна Ирска е, освен за убиство на 39 лица, обвинет и за трување со луѓе, казнени дела врзани за имиграција и перење на пари, соопштила полицијата во Есекс.