Францускиот претседател Емануел Макрон денеска истакна дека неопходно е да се формира силна нова Европска комисија за да се спречи каква било политичка криза.
Изјавата следуваше откако европратениците го отфрлија францускиот кандидат за еврокомесар.
„Мислам дека е императив да се има силна Европска Комисија, која ќе спроведува амбициозни проекти“, нагласи Макрон на заедничката прес-конференција со унгарскиот премиер Виктор Орбан.
Тој додаде дека не смее да се дозволи развивање политичка криза, откако беше ставено вето на Силви Гулард, кандидатот за комесар на Париз.