Болничарката Андреа К. која има 44 години, судот во Хановер ја осуди на затворска казна од две и пол години, поради обвинение дека цела година физички и психички ја малтретирала својата 9 годишна ќерка.
Болничарката својата најстара ќерка ја чувала затворена во кутија за кучиња во време од три часа, и ставала електрична жица околу врат и ја изложувала на слаби струјни напади. Покрај тоа таа ја однела својата ќерка во шума и ја оставила да трча боса по автомобилот, објави германски „Билд“.
Државниот правобранител побара казна затвор од пет години, а судијата Штефан Локе ја коментираше одлуката на покраинскиот суд да изрече помала казна од две и пол години затвор: „Долго размислувавме каква одлука да донесеме за овој случај, но да се одреди соодветна казна за родител кој го злоупотребува своето дете е речиси невозможно“.
И покрај душевната болка која ја претрпело девојчето, судот не прифати дека Андреа К. намерно го злоупотребила своето дете и го прогласи делото што го сторила за прекршочен престап. „Пресудата можеби требаше да биде различна“,изјавиле од канцеларијата на државниот правобранител.
„Девојчето ќе мора да оди на терапии една година, а последиците од злоупотребата што ја претрпело веројатно ќе ги чувствува целиот живот“, рекле од таму.
Болничарката прво ги негираше обвинувањата, но на крајот се изјаснила и ја признала својата вина со зборовите: „Признавам дека погрешив“.