Актуелниот премиер на Велика Британија, Борис Џонсон го претстави манифестот на Конзервативната партија, најавувајќи поголеми трошоци за здравствена заштита, подобар статус на медицинските сестри и заминување од ЕУ во јануари.
Борис Џонсон го претстави манифестот на 60 страници во Телфорд, посочувајќи дека неговата цел не е само да ја напушти Европската унија, туку и да ја „крене целата земја“ преку унапредување на здравството, образованието и полицијата.
Основниот аргумент на манифестот е дека доколку освојат власт, Конзервативците нема да го зголемат данокот на доход, осигурувањето и ДДВ.
Лидерот на Ториевците најави значителни трошоци во здравството – 34 милијарди фунти годишно за Националната здравствена служба, градејќи 40 нови болници во текот на следните 10 години, вработувајќи уште 50.000 медицински сестри и 6.000 лекари, пишува „Гардијан“.
Кога станува збор за Брегзит, Џонсон во својот манифест ветува дека ќе постигне договор со ЕУ пред Божиќ (25 декември) и ќе излезе од Унијата во јануари.
Според „Гардијан“, Џонсон дал неколку предлози за решавање на проблемите со социјалната заштита.
Лабуристичката партија ги претстави своите планови порано, а амбициите за трошење на двете партии се скоро невозможни да се споредат бидејќи разликата е огромна.
Според „Гардијан“, на една фунта која планираат да ја потрошат Ториевците, одат 28 фунти на лабуристите.