Претседателката на српскиот парламент Маја Гојковиќ денеска се сретна со претседателот на Чилеанскиот парламент, Иван Флорес Гарсија, кој истакна дека земјата го поддржува територијалниот интегритет и суверенитет на Србија и нема да го поддржи приемот на Приштина во Интерпол.
Гарсија нагласил дека прашањето за меѓународното право и принципите на територијалниот интегритет и суверенитет е важно прашање за таа земја.
Посочил на тоа дека неговата земја „не признава еднострано прогласена независност на Косово, како и дека не можат да ја поддржат нивната желба да станат член на Интерпол, укажувајќи на тоа дека Чиле се држи до своите ставови, а тие секако нема да се променат“, пишува во соопштението за медиуми по состанокот.
Гојковиќ му се заблагодарила на Гарсија за почитувањето на територијалниот интегритет и суверенитетот на Србија и почитувањето на меѓународното право, Повелбата на ОН и ОБСЕ 1244.
Претседателката на српскиот парламент, исто така, се заблагодарила на земјата за поддршката кон Србија “во меѓународните организации во обид Косово да стане членка во меѓународните организации и изрази очекување дека Чиле ќе продолжи да ги поддржува ставовите на Србија за време на Генералното собрание на Интерпол, кое ќе се одржи во Чиле, истакнувајќи дека членството на „таканареченото Косово“ во Интерпол би го нарушило меѓународното право, што исто така би било во спротивност со правилата и целите на самиот Интерпол.