Комисијата за надзор на работата на Управата за контраразузнавање и Агенцијата за разузнавање сѐ уште не ги разгледала извештаите за 2018 година на овие две управи. Членот на комисијата, Мухамед Зекири, вели дека извештаите на средината на март стигнале до претседателот на Комисијата, Трајко Вељаноски и претседателот на Собранието, Талат Џафери. Зекири обвинува дека Вељаноски и Џафери не свикуваат комисиска седница, дека противзаконски ги држат извештаите и не ги доставуваат на членовите на комисијата.
