-Започнавме со реконструкција на регионалниот пат од Берово до Виница, интензивно се асфалтира патот од Берово до граничниот премин Клепало, во тек е и реконструкција на транзитот низ Берово. За десетина дена ќе се објави јавниот повик за изградба на водовод во село Двориште а годинава ќе го надградиме и водоводниот систем за туристичката населба Беровско езеро. Генерално инфраструктурните инвестиции во Берово надминуваат преку 6 милиони евра, информира министерот за транспорт и врски, Горан Сугарески.
