Премиерот и претседател на СДСМ, Зоран Заев од граѓанската трибина на кандидатот за претседател, Стево Пендаровски во Тетово, рече дека кандидатката на ВМРО ДПМНЕ, Гордана Силјановска Давкова нема одговори и решенија за важни прашања за иднината на граѓаните и државата.
„Нивните деструктивни политики имаат за цел повторно да ги затворат границите и да се обидат да не вратат во мрачното минато, и воопшто не се срамат да избегнуваат одговори. Кандидат да си за месна заедница мора да ги дадеш решенијата. Не може Силјановска да е кандидат за претседател на државата а да не каже што ќе прави со кревкото единство, што ќе прави со Договорот од Преспа, со Рамковниот договор, законот за јазици. Силјановска се бори за националистичките политики на ВМРО ДПМНЕ“, додаде Заев.
