„Владата во Скопје никогаш ниту имала намера, ниту дала упатства за вршење какви било разузнавачки активности против која било соседна земја, вклучувајќи ја и Србија. Без никакви неинформирани или прерани заклучоци, го почитуваме и поддржуваме повикот на официјален Белград да ги заштитиме билатералните односи на Србија и Македонија и да воспоставиме стандарден кодекс на однесување. Се надевам дека во разговорот (денес на пладне) со претседателот Александар Вучиќ ќе ги решиме сите евентуални недоразбирања – вели за српски “Блиц“, премиерот Зоран Заев.
– Да бидам јасен, во нашата политика нема стратегија и политика на штета на Србија. Ние сме посветени на одржување и продолжување на работата за зајакнување на билатералните односи со нашиот сосед, Република Србија. Нашиот пристап кон надворешната политика се базира на политиката на отворени врати на директен дијалог и добра волја која ќе ги реши проблемите, наместо да ги создава. Ние веруваме дека тоа е најефективниот начин на градење на добрососедски односи, соработка и партнерство – вели македонскиот премиер.