Овој саем има за цел да ја зачува традицијата, да останат засекогаш зачувани рецептите од нашите баби. Сите оние стари рецепти, запишани во тефтерите кои се предавале од генерација на генерација, како дел од миразот на невестите, сите тие рецепти кријат богатство. Од нив извира љубовта со која нашите баби меселе домашен леб, правеле највкусна зимница, во старите казани се варела домашна ракија, се правело домашно вино.
Сѐ има таму. И нашето минато и нашата иднина.
Министерот за земјоделство, шумарство и водостопанство Љупчо Николовски заедно со неговата колешка од Србија, министерката Јелена Танасковиќ, и премиерот Димитар Ковачевски ги посетија македонските штандови и ја вкусија нашата традиција.
Е тоа СЕ денеска го имаме овде, распослано на тезгите на малите производители-чувари на традицијата, чувари на локалното, на домашното, на оригиналното.
