Претседателот на Владата на Република Северна Македонија, Димитар Ковачевски, заедно со министерот за транспорт и врски, Благој Бочварски и директорот на Јавното претпријатие за државни патишта, Ејуп Рустеми, денеска, беа на увид на градежните активности на експресниот пат Ранковце-Крива Паланка.
Вкупната вредност на изведбата е 62,5 милиони евра, средства обезбедени од Светска банка.
На настанот присуствуваа и министерот за земјоделство, шумарство и водостопанство, Љупчо Николовски, како и градоначалникот на Крива Паланка, Сашко Митовски.
-Среќни сме што во македонскиот исток се инвестира и гради како никогаш. Со силно темпо и со европски стандарди продолжува изградбата на модерниот експресен пат Крива Паланка – Ранковце. Како дел од Коридорот 8 заедно со Коридорот 10Д ова е најголем инфраструктурен и развоен проект од независноста до денес, порача денеска од терен Николовски.
-Со овој експресен пат ќе се скрати времето на патување, н о ќе се овозможи и подобар транспорт, подобра економија, развој и на туризмот и н а останати гранки.
Градбата на патните правци и нивата модернизација, до и од Крива Паланак е сигурна гаранција за подобар и поголем локален-економски развој на општината. Патна ифраструктура со железничко поврзување во иднина, е приоритет на Владата на РС Македонија. Инвестирањето во модерна и современа патна инфраструктура од страна на Владата на РС Македонија за нашата општина значи подобрување на квалитетот на животот на граѓаните, порача градоначалникот на Крива Паланка, Митовски.
