Владата ја прифати иницијативата за денот недела да биде прогласен за неработен ден, соопшти премиерот Зоран Заев на својот Фејсбук профил.
Заев додаде дека го задолжиле Министерството за труд и социјална политика во рок од 15 дена да достави законско решение за ова прашање.
„Ова решение е во интерес на граѓаните, неделата треба да биде ден посветен на одмор, ден за поквалитетно време за секој граѓанин на кој тоа му е потребно, ден за семејството, ден за себе“, додава Заев.