Од страна на Шумската полиција е организирана акција во село Лакавица, Струга, Стопанска единица Јабланица, при што е констатирана бесправна сеча на буково огревно дрво со количина од околу 400 метри просторни или 280м3. На лице место се затекнати тројца државјани од Република Албанија како вршат сеча и привремено се одземени 1 моторна пила, 2 секири и еден чекан.
Од страна на Шумската полиција се известени претставници на МВР, Јавен обвинител и Државен шумарски инспекторат, за нивна понатамошна постапка.
Акцијата е во тек а по нејзиното завршување шумската полиција и МВР ќе излезат со повеќе информации.
