Директорот на Бирото за јавна безбедност при Министерството за внатрешни работи, Сашо Тасевски денеска оствари работна средба со амбасадорот на Словенија во земјава, Милан Предан.
Директорот Тасевски и амбасадорот Предан изразиле задоволство од одличните билатерални односи и успешната соработка на двете земји.
– Тие се осврнаа на сите можности за продлабочување на соработката меѓу полициите на двете земји, потенцирајќи ја поддршката што словенечката полиција и ја дава на нашата полиција преку низа проекти, но и со присуство на контингент словенечки полициски службеници најужната граница, соопштија денеска од МВР.
Како што е наведено со соопштението, двајцата соговорници потенцирале дека одличните односи и соработка и во иднина ќе се надградуваат.