Заменик министерот за економија Кирил Колемишевски изрази задоволство од средбата со Венко Глигоров, кој важи за еден од најискусните македонски претприемачи, од овозможувањето на PayPal во држава, но и од негова заложба за продажба на домашни производи на странските пазари.
PayPal во моментот е достапен на македонските граѓани за набавка на производи од странство меѓутоа не и за продажба на македонските производи во странство.
„Преку овозможување на PayPal сметам дека има голем потенцијал за македонската економија, нашите производи и услуги да се најдат на светските пазари. Ова особено е корисно за микро и малите фирми, поединци и професионалци чии услуги и производи се барани во Европа и светот. Заедно ќе се заложиме овој сегмент од македонската економија да го динамизираме и да овозможиме услови за поголем извоз на македонските производи и услуги“, напиша Колемишевски на својот Фејсбук профил.