Веќе во наредниот месец за очекување е до Собранието да биде понудено законско решение со кое ќе се спроведе и ветингот во полицијата кој е неопходен во Министерството за внатрешни работи, истакна Оливер Спасовски министер за внатрешни работи во вечерашното гостување на емисијата Отворено.
– По направена анализа за состојбата во МВР, неколку месеци работиме на тоа како да биде спроведен ветингот, наскоро ќе се одржи и конференција по која ќе биде понудено и законско решение во кое ќе биде опфатен ветингот на полициските службеници, порача Спасовски додавајќи дека ветингот ќе биде базиран на три столба, вработување и кариера, имотна состојба и интегритетот на полицициските службеници, а законското решение би билo поднесено во следните месец – два.