Либералната партија го осудува прибирањето на лични податоци како што се матичните броеви, адресите на живеење, како и други лични податоци на граѓаните кои се потпишуваат на иницијативата против мигрантите „Будење – НЕ за мигрантите во Аеродром“.
Бидејќи со државните планови не се предвидени иницијативи и мерки што ќе овозможат прием на мигранти, очигледно е дека прибирањето на овие лични податоци на граѓаните се врши со друга намера т.е. со цел да ги користи изборниот штаб на ВМРО-ДПМНЕ за да врши притисоци врз граѓаните за да гласаат за таа партија на октомвриските избори.
Ги повикуваме надлежните органи да ја спречат оваа активност а против организаторите кои ја вршат оваа злоупотреба на личните податоци да преземат соодветни законски мерки“ се вели во соопштението на Либералната партија.