Трговскиот центар „Скопје сити мол“ во населбата Карпош во моментов се евакуира поради дојава за бомба.
Од Министерството за внатрешни работи за МИА изјавија дека до нив е пристигната информација за дојава за поставена бомба по што на терен се испратени екипи од полицијата.
На терен е и екипа од Противпожарната бригада на Скопје со едно возило и четворица пожарникари.
Според очевидци, во трговскиот се вклучени сите аларми и било побарана итна евакуација.
***Обновено***
“Скопје сити мол” е отворен, дојавата за бомба била лажна. Трговскиот центар „Скопје сити мол“ во населбата Карпош повторно е отворен за посетители по евакуацијата поради дојава за бомба попладнето, но продавниците се уште се затворени.