Државниот санитарен и здравствен инспекторат (ДСЗИ) во соработка со Инспекторатот на Град Скопје констатирале дека од страна на приватната здравствена установа „Синлаб“ во кеси се одлага медицински отпад во јавни контејнери.
По извршените инспекциски контроли, ДСЗИ со решение ја задожил „Синлаб“ да врши прописно собирање, селектирање и пакување на медицинскиот отпад, кое е регулирано со Правилникот за начинот на постапување со медицинскиот отпад, како и начинот на негово пакување и обележување.
За постапувањето спротивно на одредбите од овој Правилник предвидена е глоба, па оттаму и во овој случај слува спроведување прекршочни санкции за сторителите на прекршокот.