Честитка од пратеникот Зеќир Рамчиловиќ по повод, Меѓународниот ден на Бошњаците:
Драги мои Бошњаци,
Денес е посебен ден, ден кога го вративме своето вековно и единствено име Бошњак, ден кога ја вративме својата национална гордост и затоа е убаво и неопходно да го одбележуваме “28 Септември – Меѓународен Ден на Бошњаците”.
Да бидеме горди, да го чуваме својот идентитет, босанскиот јазик, бошњачката култура, традиција и обичаи. Да бидеме единствени во напорите за подобро утро на сите нас, само така можеме да бидеме успешни и да одиме напред. РС Македонија е наша заедничка куќа и само заедно со другите народи ќе ја направиме подобро и поубаво место за живот.
Направивме крупни чекори во правец на стабилизација на Северна Македонија и регионот, чекори за наша интеграција во ЕУ и НАТО како предуслов за подобра иднина на сегашните и идните генерации.
Во тоа име ви посакувам добро здравје, мир, хармонија и благосостојба во вашите домови и нека ни е среќен и вечен “Денот на Бошњаците”.
Со почит!
Зеќир Рамчиловиќ