Со интонирање на албанската химна пред Собранието се одбележа протестот на албанско граѓанско здружение, што започна од паркот во Чаир. Целта на протестниот марш на здружението е барање на правични судски процеси.
Насобраните побараа правичност во судењата за случаите за Алмир, „Сопот“, „Алфа“, „Диво насеље“, „Монструм“, како и за други судски предмети, кои ги носеа напишани на транспарентите.
Како организатор на протестот се јавува Блерим Ахмети, братот на Ел Чека, а истиот е поддржан и од опозициската Беса, од каде порачаа дека тие не можат да молчат кога има монтирани случаи против Албанците, а власта ја убила надежта за правна држава. Во првите редови на протестот беа и ветераните од УЧК.
Фото: Стандард