Предметот кој се води против новинарот Зоран Божиновски пред петнаесетина дена го побара СЈО, но Зврлевски не го дава и се повикува на одлуката на Советот на јавни обвинители.
Тој нагласува дека Основното јавно обвинителство за гонење на организиран криминал и корупција се обратило до Советот на јавните обвинители на Република Македонија со барање Советот да се произнесе по однос на барањето.
„Советот на јавните обвинители решавајќи за предметот „Шпион“, во април годинава достави одлука според која надлежно за постапување за предметот „Шпион“ е Основното јавно обвинителство за гонење на организиран криминал и корупција. Одлуката Советот ја достави до Основниот суд – Скопје, Апелациониот суд – Скопје, Основното јавно обвинителство за гонење на организиран криминал и корупција и Јавното обвинителство за гонење на кривични дела поврзани и кои произлегуваат од содржината на незаконското следење на комуникациите.“, сооштија од Јавното обвинителство на Марко Зврлевски.